Jump to Content

Þátttaka rannsóknaraðila

Hjá Google leggjum við mikið upp úr traustu sambandi við háskóla og rannsóknarstofnanir. Til að efla þetta samstarf bjóðum við upp á ýmsar áætlanir sem veita hinu akademíska rannsóknarsamfélagi sem og öðrum utanaðkomandi rannsóknarsamfélögum aðgang að tilföngum og stuðningi. Við veitum rannsóknaraðilum aðgang að gögnum, verkfærum og útgáfuritum og bjóðum upp á áætlanir sem valdir rannsóknaraðilar geta sótt um að taka þátt í og úrræði til að auka útbreiðslu.

Gögn, verkfæri og útgáfurit

Google veitir rannsóknaraðilum sem rannsaka stafrænt öryggi og hættur á netinu aðgang að breiðu úrvali gagna, verkfæra og útgáfurita.

Gögn, verkfæri og
útgáfurit fyrir rannsóknaraðila sem varða netöryggi

google-transparency-report

Gagnsæisskýrsla Google

Á vefsvæði gagnsæisskýrslu Google deilum við skýrslum og gögnum sem beina ljósi að því hvernig stefnur og aðgerðir stjórnvalda og fyrirtækja hafa áhrif á persónuvernd, öryggi og aðgengi að upplýsingum. Þetta eru m.a. beiðnir stjórnvalda um fjarlægingu efnis, beiðnir um fjarlægingu efnis í samræmi við evrópsk persónuverndarlög efni sem er fjarlægt vegna höfundarréttar sem og VLOSE/VLOP-gagnsæisskýrslan sem fellur undir lög Evrópusambandsins um stafræna þjónustu (ESB DSA)
statement-of-reason-data

Gögn um ástæður

Lög Evrópusambandsins um stafræna þjónustu skylda veitendur hýsingarþjónustu til að veita öllum viðtakendum sem eiga hlut að máli skýrar og ítarlegar ástæður þegar gripið er til tiltekinna aðgerða vegna upplýsinga sem tilkynntar voru sem ólöglegar eða brjóta gegn skilmálum þjónustunnar. Google sendir slíkar „ástæðuyfirlýsingar“ til framkvæmdastjórnar Evrópusambandsins í samræmi við lög um stafræna þjónustu. Yfirlýsingarnar innihalda skýringar á reikningum sem verða fyrir áhrifum, tiltekin atriði og aðstæður sem leiddu til ákvörðunar þjónustuveitandans, tegund efnisins sem um ræðir, lög eða reglur sem brotið var gegn og aðrar viðeigandi upplýsingar. Þú finnur innsendingar Google til framkvæmdastjórnar Evrópusambandsins hér.
Nánar
Ads Transparency Center

Ads Transparency Center

Google safnar gögnum um auglýsingar sem birtast á okkar risastóru verkvöngum á netinu og okkar risastóru leitarvél á netinu, þar með talið upplýsingum um efni auglýsinga, snið, umfjöllunarefni, kostanda, birtingartímabil, fjölda skipta sem auglýsing var sýnd og þau skilyrði sem auglýsandi valdi til að skilgreina markhóp auglýsingar.
Nánar
google-research-publications

Rannsóknarrit Google um öryggi, persónuvernd og forvarnir gegn misnotkun

Rannsóknaraðilar Google birta útgáfurit um öryggi, persónuvernd og forvarnir gegn misnotkun. Við erum með starfsfólk á nánast öllum sviðum öryggis, persónuverndar og varna gegn misnotkun, þ.m.t. í störfum sem snúa að aðgangsstýringu og upplýsingaöryggi, netkerfum, stýrikerfum, tungumálahönnun, dulmálsfræði, greiningu og forvörnum gegn svikum, greiningu á ruslefni og misnotkun, atlögum að þjónustumiðlun, nafnleysi, kerfum sem gæta persónuverndar, stýringum á upplýsingagjöf, sem og viðmótum og öðrum mannlegum þáttum öryggis og persónuverndar.
Nánar
lumen

Lumen

Til að auka gagnsæi og ábyrgðarskyldu í verkferlum þegar breytingar eru gerðar á efni á netinu deilir Google LLC lagalegum tilkynningum sem okkur berast þar sem óskað er eftir fjarlægingu efnis af þjónustum okkar, með verkefni þriðja aðila sem ber heitið Lumen. Lumen er sjálfstætt rannsóknarverkefni sem stjórnað er af Berkman Klein Center for Internet & Society í Harvard-háskóla sem hýsir, greinir og birtir afrit af beiðnum um fjarlægingu efnis á netinu sem ýmis fyrirtæki hafa deilt með Lumen að eigin frumkvæði, þ.m.t. Google LLC. Markmið Lumen er að upplýsa almenning og aðila sem starfa við rannsóknarblaðamennsku, akademískar rannsóknir og rannsóknir tengdar stefnumótun, um „vistkerfi“ altækra tilkynninga og fjarlægingar sem og tiltækileika efnis á netinu.
Nánar
1
/

Gagnagrunnur samkvæmt 4. mgr. 40. gr. laga um stafræna þjónustu

YouTube का आइकॉन Google Research-tilföng
Search Google leit
Google Map Icon Google-kort
Google Play Icon Verkfæri Google fyrir staðreyndavakt
Google Shopping Icon Google Shopping
Google-fræðasetur
Tengiliður rannsóknaraðila DSA
Gagnagátt DSA 40(4)

Google Research-tilföng


YouTube

Tiltæk gögn innihalda ýmsar upplýsingar um vídeó, rásir, ummæli og spilunarlista á verkvangnum. Fyrir YouTube-vídeó eru gögnin upplýsingar á borð við upphleðsludagsetningu vídeós, auðkenni rásar, titil, lýsingu og fjölda líka og áhorfa. Fyrir YouTube-rásir innihalda gögnin fjölda áskrifenda og heildaráhorf á rásina, sem og upplýsingar um hvaða vídeó rásin hefur valið að kynna, til dæmis nýjustu upphleðslur rásarinnar, vinsælustu upphleðslurnar eða vídeó af einum eða fleiri spilunarlistum. YouTube veitir einnig upplýsingar um ummæli við opinber vídeó, sem og svör við ummælum á efsta stigi. Fyrir spilunarlista veitir YouTube upplýsingar um gögn, t.d. vídeó, sem eru hluti af spilunarlista og upplýsingar sem útskýra hvernig gögnin eru notuð í spilunarlistanum. Nánar um gögnin okkar: Yfirlit yfir forritaskil YouTube-gagna

Google-kort


Google-kort

Google-kort safna og viðhalda upplýsingum sem gera notendum kleift að rata um heiminn. Þjónustan felur í sér upplýsingar um staði, fyrirtæki og upplifanir og hjálpar fyrirtækjum að byggja upp viðveru á netinu, eiga í samskiptum við viðskiptavini og efla fyrirtæki sín. Upplýsingar um staði og fyrirtæki innihalda efni frá notendum, til dæmis frá neytendum og söluaðilum (þar á meðal einkunnir, umsagnir og myndir) og efni frá söluaðilum sem hafa áhuga á að skrá fyrirtækið sitt í Kortum.

Verkfæri Google fyrir staðreyndavakt


Google Play

Google Play safnar upplýsingum um gerð, flokk, gæði, vægi og vinsældir á verkvangnum, sem og um umsagnir notenda og þriðju aðila um efni. Við söfnum einnig upplýsingum um áhugamál notenda, birtingar, gagnvirkni og fyrri kaup í Google Play, en það fer eftir kjörstillingum notenda.

Google Shopping


Google Shopping

Google Shopping gerir notendum kleift að skoða vörur frá auglýsendum og seljendum sem hafa valið að birta vörur sínar á Google Shopping. Google Shopping safnar upplýsingum til að hjálpa notendum að taka upplýstar ákvarðanir um vörur sem skráðar eru á Google Shopping, t.d. einkunnir og umsagnir um vörur og söluaðila. Til að láta fyrirspurnir notenda passa við vörur söfnum við einnig upplýsingum um vörur söluaðila, þar á meðal grunnupplýsingum um vörur, verð og tiltækileika. Nánar um gögnin okkar: Forskrift vörugagna.

Google-fræðasetur


Aðferðir og skilmálar fyrir aðgang að DSA

Rannsóknaraðilar sem hafa staðist próf ættu að nota gagnageymsluna okkar til að fá aðgang að upplýsingunum sem við söfnum og viðhöldum á öruggum hátt með persónuvernd í huga. Aðgangur að gagnageymslu okkar er háður þjónustuskilmálum sem við krefjumst þess að allir rannsóknaraðilar samþykki áður en þeir fá aðgang að gagnageymslunni.

Tengiliður rannsóknaraðila DSA


Tengiliður rannsóknaraðila DSA

Rannsóknaraðilar DSA geta haft samband við Google á dsa-article-40-4@google.com

Gagnagátt DSA 40(4)


Gagnagátt DSA 40(4)

Til að senda beiðni samkvæmt 40(4) gr. laga um stafræna þjónustu skaltu fara á gátt Evrópusambandsins fyrir aðgang að gögnum hér.

Önnur gögn, verkfæri og útgáfurit fyrir rannsóknaraðila

Google Research-tilföng
Google Trends
Dataset Search
Data Commons
Google-fræðasetur

Google Research-tilföng

Google Research-tilföng

Við veitum rannsóknarsamfélaginu aðgang að verkfærum og gagnasöfnum með það að markmiði að efla samstarf innan vistkerfisins.
Nánar

Data Commons

Data Commons

Data Commons miðar að því að koma skipulagi á opinber gögn og gera þau aðgengileg og gagnleg. Data Commons sameinar margar mismunandi gagnauppsprettur í eitt myndrit. Verkvangurinn tengir vísanir í sömu einingar (s.s. borgir, lönd, fyrirtæki o.s.frv.) úr mismunandi gagnasöfnum við hnit á myndritinu þannig að notendur geti nálgast samantekin gögn um tiltekna einingu af mismunandi uppsprettum án þess að þurfa að hreinsa eða sameina gögn. Við vonum að gögn sem Data Commons birtir reynist nemendum, rannsóknaraðilum og áhugamönnum á ýmsum sviðum gagnleg.
Nánar

Google-fræðasetur

Google-fræðasetur

Google Fræðasetur er einföld lausn fyrir víðtæka leit að fræðiheimildum. Hver sem er getur leitað að heimildum innan hinna ýmsu greina og rannsóknaraðilar geta einnig búið til sinn eigin prófíl til að birta vinnu sína.
Nánar

Nánar um
áætlun fyrir rannsóknaraðila

Áætlun fyrir rannsóknaraðila veitir gjaldgengum rannsóknaraðilum aðgang að tilföngum sem gera þeim kleift að auka skilning almennings á tilteknum Google-þjónustum og áhrifum þeirra.

Kynntu þér gjaldgengisskilyrði

Gjaldgengir rannsóknaraðilar frá ýmsum fræðasviðum geta sótt um aðgang að gögnum frá Google-kortum, Google Play, Google-leit, Google Shopping og YouTube til að rannsaka viðkomandi verkvanga frá mörgum sjónarhornum og með ýmsum rannsóknaraðferðum. Eins og stendur er kerfið aðeins í boði fyrir rannsóknaraðila sem tengjast stofnunum innan ESB en það kann að verða í boði víðar í framtíðinni. Rannsóknaraðilar sem hafa áhuga á öðrum gögnum og rannsóknarverkfærum frá Google ættu að fara á Google Research.
Sækja um

Svona virkar áætlunin

Talan einn í hringlaga tákni.

Staðfestu gjaldgengi þitt á viðeigandi verkvöngum

Talan tveir í hringlaga tákni.

Sendu umsóknina þína inn (krefst Google-reiknings)

Talan þrír í hringlaga tákni.

Ef þú hlýtur samþykki færðu aðgang að viðeigandi verkfærum fyrir rannsóknir þínar

Kynntu þér gjaldgengisskilyrðin

Gjaldgengir rannsóknaraðilar:

  • tengjast óhagnaðardrifnum hópum, stofnunum og samtökum;
  • eru óháðir viðskiptahagsmunum;
  • upplýsa um fjármögnun rannsókna sinna í umsókninni;
  • standast ákveðnar kröfur hvað varðar gagnaöryggi og trúnað í tengslum við hverja beiðni og kröfur um verndun persónuupplýsinga;
  • lýsa í umsókn sinni viðeigandi tækni- og kerfisúrræðum sem eru til staðar hjá þeim til að standast kröfur um gagnaöryggi og trúnað;
  • útskýra á fullnægjandi hátt í umsókn sinni að aðgangur þeirra að gögnum og umbeðinn tímarammi sé nauðsynlegur fyrir og í eðlilegu samræmi við tilgang rannsóknarinnar;
  • útskýra á fullnægjandi hátt í umsókn sinni að áætluð niðurstaða rannsóknarinnar muni stuðla að greiningu og skilningi á áhrifum þjónustanna innan Evrópusambandsins og muni einnig stuðla að mati á hæfni, skilvirkni og áhrifum tengdra áhættuminnkunarúrræða innan Evrópusambandsins.

Athugaðu: Teymi innan hvers verkvangs kunna að vera með viðbótargjaldgengisskilyrði auk þeirra sem talin eru upp hér.

Maður sem situr við skrifborð í tölvunni og slær inn á lyklaborð.

Sjá notkunarreglur

Við höfum tekið saman gjaldgengisskilyrði og önnur skilyrði á þessari síðu. Gættu þess að skoða reglur um leyfilega notkun áður en þú sækir um. Til að taka þátt í verkefninu þurfa umsækjendur að yfirfara og samþykkja gildandi reglur.

Valdir rannsóknaraðilar þurfa að samþykkja reglur um leyfilega notkun og alla almenna þjónustuskilmála verkvangsins eða verkvanganna sem viðkomandi fær aðgang að.

Þú berð fulla ábyrgð á eigin rannsóknum og útgáfu. Auk þess öðlast Google ekki hugverkarétt yfir rannsóknum þínum, útgáfu, rannsóknarniðurstöðum eða ráðleggingum.

Aðrar áætlanir fyrir rannsóknaraðila

Útbreiðsla

Við bjóðum upp á ýmsar útbreiðsluáætlanir sem styðja við hið akademíska rannsóknarsamfélag sem og önnur utanaðkomandi rannsóknarsamfélög

Verðlaun

trust-and-safety-research

Verðlaun fyrir trúnaðar- og öryggisrannsóknir

Google leggur áherslu á að styðja við nýstárlegar rannsóknir og rannsóknaraðila sem vinna að því að stuðla að jákvæðum samfélagslegum áhrifum með tæknilausnum, sér í lagi á sviðum sem tengjast trúnaðar- og öryggismálum. Google leitast eftir því að fjármagna og taka virkan þátt í akademísku rannsóknarsamfélagi með því að kanna tækifæri og auka þekkingu okkar á ógnum sem kunna að skerða trúnað og öryggi.

Þar að auki veitum við oft önnur verðlaun, sem einskorðast ekki við trúnaðar- og öryggismál, þar sem við fjármögnum rannsóknaraðila sem miða að því að efla trúnað, öryggi og persónuvernd.
Nánar
research-scholar-program

Rannsóknarstyrkur

Rannsóknarstyrkurinn miðar að því að styðja við rannsóknaraðila sem eru að hefja feril sinn og stefna á rannsóknir á sviðum sem tengjast Google.

Rannsóknarstyrkurinn veitir ótakmarkaða styrki til stuðnings við rannsóknir innan stofnana um allan heim, með það að markmiði að fjármagna rannsóknir á heimsmælikvarða undir handleiðslu rannsóknaraðila sem eru að hefja feril sinn.
Nánar
award-for-inclusion-research

Verðlaun fyrir rannsóknaráætlanir sem leggja áherslu á tillitssemi

Verðlaun fyrir rannsóknaráætlanir sem leggja áherslu á tillitssemi, viðurkenna og styðja við akademískar rannsóknir í tölvunarfræðum og tækni sem beina ljósi að þörfum jaðarsettra hópa um allan heim.
Nánar
1
/
events

Viðburðir

Google-teymi um allan heim vinna að því að bæta persónuvernd, öryggi, ábyrgt efni og fjölskylduöryggi. Öryggisverkfræðimiðstöðvar Google í München, Dublin og Málaga hjálpa til við að leiða starf okkar í átt að auknu netöryggi, með teymi reyndra verkfræðinga, reglusérfræðinga og annarra sérfræðinga í forystu. Við vinnum í samstarfi við rannsóknaraðila, stjórnvöld og eftirlitsstofnanir í gegnum þessar miðstöðvar.

Hluti þessa starfs felur í sér að halda reglulega viðburði fyrir þessa markhópa þar sem fjallað er um efni á borð við öryggi barna [t.d. myndir]

Við skipuleggjum einnig sérstaka viðburði fyrir rannsóknaraðila þar sem áhersla er lögð á að efla samstarf rannsóknaraðila okkar við rannsóknarsamfélagið. Þetta eru viðburðir á borð við smiðjuna „Notendur í áhættuhópi“ og dagur tileinkaður rannsóknum á gervigreind, sem haldinn var í Frakklandi og fjallaði alfarið um persónuverndar- og öryggisrannsóknir í tengslum við gervigreind.